Басшылық туралы мәлімет

Талғат Өскенұлы Мүсілімов, 1973 жылы туған, білімі жоғары, 1995 жылы Қазақ Еңбек Қызыл Ту ордені ауыл шаруашылығы институтын бухгалтерлік есеп және шаруашылық қызметін талдау мамандығы бойынша бітірген.

Еңбек жолын 1993 жылғы қазаннан 1995 жылғы шілде аралығында Оңтүстік Қазақстан облысы «Агробанк» АҚ-та бухгалтер-экономист, бас бухгалтердің орынбасары лауазымын атқарудан бастады.

1995 жылғы шілдеден 1996 жылғы қаңтар аралығында Оңтүстік Қазақстан облысы Ордабасы ауданы бойынша Қазақстан Республикасы Қаржылық бақылау мемлекеттік комитеті бөлімшелерінің бақылаушы-ревизоры.

1996 жылғы мамырдан 1997 жылғы қазан аралығында Оңтүстік Қазақстан облыстық қазынашылық басқармасы Ордабасы аудандық территориялық қазынашылық бөлімінің бірінші санатты маманы.

1997 жылғы қарашадан 1998 жылғы қыркүйек аралығында Қазақстан Республикасы Қаржы министрлігі Оңтүстік Қазақстан облысы бойынша Қаржылық бақылау комитеті басқармасының бақылаушы-ревизоры.

1998 жылғы қыркүйектен 2001 жылғы қазан аралығында Оңтүстік Қазақстан облысы Қазынашылық басқармасының бақылаушы-ревизоры, бас қазынашысы, жетекші қазынашысы.

2001 жылғы қарашадан 2005 жылғы тамыз аралығында Астана қаласы Қазақстан Республикасы Қаржы министрлігі Қаржыны бақылау комитетінің бас маманы-бас бақылаушы-ревизоры, бөлім бастығы.

2005 жылғы тамыздан 2019 жылғы қараша аралығында Республикалық бюджеттің атқарылуын бақылау жөніндегі есеп комитетінің кеңесші-мемлекеттік ревизоры, бас сарапшысы-мемлекеттік ревизоры, бас кеңесші-бас мемлекеттік ревизоры, бас кеңесші-мемлекеттік аудиторы, мемлекеттік аудит секторының меңгерушісі.

2019 жылғы қарашадан 2022 жылғы наурыз аралығында Қазақстан Республикасы Экология, геология және табиғи ресурстар министрлігі Ішкі аудит және мемлекеттік қызметтер сапасын бақылау департаментінің директоры.

2022 жылғы сәуірден бастап 2022 жылғы қыркүйек аралығында «ҚР ПІБ «ҚР Президентінің Әкімшілігі мен Үкіметінің әкімшілік ғимараттары дирекциясы» ШЖҚ РМК директорының орынбасары.

2022 жылғы 12 қыркүйектен бастап «ҚР ПІБ «ҚР Президентінің Әкімшілігі мен Үкіметінің әкімшілік ғимараттары дирекциясы» ШЖҚ РМК директоры лауазымына тағайындалды.

ІІІ дәрежелі «Қаржы сақшысы» медалімен марапатталды.

Әкімов Жеткерген Төлегенұлы, 1981 жылы туған, білімі жоғары. 2007 жылы Қазақ ұлттық аграрлық университетін «Ветеринарлық дәрігер» мамандығы бойынша, 2015 жылы «Болашақ» университетін «Құрылыс» мамандығы бойынша бітірген.

Еңбек жолын 2003 жылғы желтоқсаннан № 28 орта мектептің түнгі күзетшісі болудан бастады.

2008 жылғы қаңтардан 2008 жылғы мамыр аралығында «Қазақстан Республикасы Парламенті Шаруашылық басқармасының асханасы» РМҚК жүргізушісі.

2008 жылғы мамырдан 2008 жылғы қыркүйек аралығында «Агроөнеркәсіптік кешеніндегі Мемлекеттік инспекция комитетінің Ақтөбе қалалық территориялық инспекциясы» ММ жетекші маманы-мемлекеттік ветеринарлық инспекторы.

2008 жылғы қазаннан 2011 жылғы қыркүйек аралығында «Қазақстан Республикасы Парламенті Шаруашылық басқармасының асханасы» РМҚК жүргізушісі.

2011 жылғы желтоқсаннан 2012 жылғы шілде аралығында ШЖҚ «Қазақстан Республикасы Парламенті Шаруашылық басқармасының әкімшілік ғимараттары дирекциясы» РМК операторлық қызметінің диспетчері.

2012 жылғы шілдеден 2012 жылғы қазан аралығында ШЖҚ «Қазақстан Республикасы Парламенті Шаруашылық басқармасының әкімшілік ғимараттары дирекциясы» РМК диспетчерлік қызметінің режимді диспетчері.

2012 жылғы қазаннан 2016 жылғы қаңтар аралығында ШЖҚ «Қазақстан Республикасы Парламенті Шаруашылық басқармасының әкімшілік ғимараттары дирекциясы» РМК диспетчерлік қызметінің аға диспетчері.

2016 жылғы қаңтардан 2020 жылғы қараша аралығында ШЖҚ «Материалдық-техникалық қамтамасыз ету басқармасының әкімшілік ғимараттары дирекциясы» РМК диспетчерлік қызметінің бастығы.

2020 жылғы қарашадан 2021 жылғы қараша аралығында ШЖҚ «Материалдық-техникалық қамтамасыз ету басқармасының әкімшілік ғимараттары дирекциясы» РМК директорының орынбасары.

2021 жылғы 08 қарашадан бастап «ҚР ПІБ «ҚР Президентінің Әкімшілігі мен Үкіметінің әкімшілік ғимараттары дирекциясы» ШЖҚ РМК директорының орынбасары болып тағайындалды.

«Ерен еңбегі үшін» медалімен марапатталды.

Логинов Дмитрий Геннадьевич, 1975 жылы туған, жоғары білімді, 1997 жылы Еуразия мемлекеттік университетін «Сумен жабдықтау, суды бұру және су қорларын қорғау» мамандығы бойынша бітірген.

Еңбек жолын 1997 жылғы қазаннан бастап Қазақстан Республикасы Президенті Әкімшілігі, Парламенті және Үкіметінің әкімшілік ғимараттарының желдету және ауа баптау тобында 1-санатты маманы болудан бастады.

1997 жылғы қарашадан 1999 жылғы мамыр аралығында «Қазақстан Республикасы Президенті Әкімшілігі мен Үкіметінің әкімшілік ғимараттары дирекциясы» РМК желдету және ауа баптау жөніндегі слесары.

1999 жылғы мамырдан 2005 жылғы қаңтар аралығында Қазақстан Республикасы Президенті Іс Басқармасының «Қазақстан Республикасы Президенті Әкімшілігі мен Үкіметінің әкімшілік ғимараттары дирекциясы» РМҚК желдету және ауа баптау қызметінің 8-дәрежелі желдету жөніндегі слесары, 1-санатты маманы.

2005 жылғы қаңтардан 2007 жылғы қаңтар аралығында Қазақстан Республикасы Президенті Іс Басқармасының «Қазақстан Республикасы Президенті Әкімшілігі мен Үкіметінің әкімшілік ғимараттары дирекциясы» РМҚК сантехника қызметінің бас маманы, жоғары санатты инженері, қызмет бастығы.

2007 жылғы қаңтардан 2012 жылғы маусым аралығында Қазақстан Республикасы Президенті Іс Басқармасының «Қазақстан Республикасы Президенті Әкімшілігі мен Үкіметінің әкімшілік ғимараттары дирекциясы» РМҚК бас механигі.

2012 жылғы маусымнан 2022 жылғы ақпан аралығында Қазақстан Республикасы Президенті Іс Басқармасының «Қазақстан Республикасы Президентінің Әкімшілігі мен Үкіметінің әкімшілік ғимараттары дирекциясы» РМК техникалық қызметінің бастығы.

2022 жылғы 23 ақпаннан бастап «ҚР ПІБ «Қазақстан Республикасы Президентінің Әкімшілігі мен Үкіметінің әкімшілік ғимараттары дирекциясы» ШЖҚ РМК директорының орынбасары лауазымына тағайындалды.

«Ерен еңбегі үшін» медалімен марапатталды.

Әлиақпаров Қайрат Жомартбекұлы, 1987 жылы туған, қазақ, білімі жоғары, 2009 жылы Қожа Ахмет Яссауи атындағы Халықаралық Қазақ-Түрік университетін «Қаржы» мамандығы бойынша бітірген.

2010 жылғы тамыздан 2012 жылғы маусым аралығында «Қазақстан Республикасы Президентінің Әкімшілігі мен Үкіметінің әкімшілік ғимараттары дирекциясы» ШЖҚ РМК заң бөлімі материалдық-техникалық қамтамасыз ету секторының жабдықтау жөніндегі маманы.

2012 жылғы маусымнан 2021 жылғы желтоқсан аралығында «Қазақстан Республикасы Президентінің Әкімшілігі мен Үкіметінің әкімшілік ғимараттары дирекциясы» ШЖҚ РМК материалдық-техникалық қамтамасыз ету бөлімінің жабдықтау жөніндегі маманы, 2-санатты жабдықтау жөніндегі маманы,1-санатты жабдықтау жөніндегі маманы.

2022 жылғы қаңтардан 2022 жылғы мамыр аралығында «Қазақстан Республикасы Президентінің Әкімшілігі мен Үкіметінің әкімшілік ғимараттары дирекциясы» ШЖҚ РМК материалдық-техникалық қамтамасыз ету қызметінің жабдықтау жөніндегі бас маманы.

2022 жылғы мамырдан бастап 2023 жылғы желтоқсан аралығында «Қазақстан Республикасы Президентінің Әкімшілігі мен Үкіметінің әкімшілік ғимараттары дирекциясы» ШЖҚ РМК материалдық-техникалық қамтамасыз ету қызметінің бастығы.

2024 жылғы 03 қаңтардан бастап «ҚР ПІБ «Қазақстан Республикасы Президентінің Әкімшілігі мен Үкіметінің әкімшілік ғимараттары дирекциясы» ШЖҚ РМК директорының орынбасары лауазымына тағайындалды.

Әсел Райысқызы Өміршина, 1968 жылы туған, қазақ, білімі жоғары,1990 жылы Т. Жүргенев атындағы Алматы мемлекеттік театр және сурет өнері институтын «Интерьер және жабдықтар» мамандығы бойынша бітірген.

Еңбек жолын 1987 жылы қыркүйек а йында Алматы қаласындағы № 1 жөндеу-құрылыс учаскесінің шебер-архитекторы болып бастаған.

1991 жылғы ақпан 1997 жылғы наурыз аралығында Алматы қаласындағы № 16 кәсіптік-техникалық училищесінің қосымша білім беру педагогы, сонымен қатар көрсетілген училищенің «Бейнелеу өнері» үйірмесінің басшысы болып 1992 жылғы қарашадан бастап 1994 жылғы қараша аралығында қызмет атқарды.

1997 сәуірден бастап 2002 жылғы наурыз аралығында «Трибуна» ЖШС сурет галереясының өнер бизнесінің бас менеджері болып қызмет етті.

2002 жылғы наурыз 2003 жылғы ақпан аралығында ҚР Мәдениет, ақпарат және қоғамдық келісім министрлігі Мәдениет комитетінің «Көрмелер мен аукциондар дирекциясы» РМК директоры лауазымында жұмыс жасады.

2006 жылғы ақпан айынан бастап 2011 жылғы қараша айы аралығында «Көркем көрмелер мен аукциондар дирекциясы» ЖШС директоры болып қызмет етті.

2011 жылғы қарашадан бастап 2019 жылғы қараша аралығында «Тәуелсіздік сарайы» МКҚК-да қызмет атқарды, оның ішінде 2011 жылғы қарашадан бастап 2012 жылғы наурыз аралығында – бас директордың орынбасары лауазымында, 2012 жылғы наурыздан бастап 2019 жылғы қараша айы аралығында директор лауазымында.

2019 жылғы қараша айынан бастап 2021 жылғы наурыз айы аралығында «Астана ЭКСПО-2017» ҰҚ АҚ бас менеджері-әкімшісі болып жұмыс жасады.

2021 жылғы наурыздан бастап 2023 жылғы қаңтар аралығында «KazVoip» ЖШС бас директорының орынбасары лауазымында қызмет атқарды.

2023 жылғы 1 ақпаннан бастап 2023 жылғы 23 наурыз аралығында Қазақстан Республикасы Президенті Іс басқарушысының кеңесшісі міндетін атқарушы болып жұмыс жасады.

2023 жылғы 24 наурыздан бастап 2024 жылғы 21 шілде аралығында Қазақстан Республикасы Президенті Іс басқарушысының кеңесшісі лауазымында қызмет атқарды.

Ә.Р. Өміршина еңбек жолында 2005 жылы «Қазақстан Конституциясына 10 жыл» мерекелік медалімен, 2011 жылы «ҚР Тәуелсіздігіне 20 жыл» мерекелік медалімен, 2014 жылы «Ерең еңбегі үшін» медалімен, 2018 жылы «Астана қаласына 20 жыл» мерекелік медалімен, 2023 жылы ҚР Президенті Іс басқармасының алғыс хатымен марапатталған.

Әсел Райысқызы Өміршинаның 2024 жылғы 22 шілдеден бастап «ҚР ПІБ «Қазақстан Республикасы Президентінің Әкімшілігі мен Үкіметінің әкімшілік ғимараттары дирекциясы» ШЖҚ РМК директорының орынбасары лауазымына тағайындалды.

А.К. Исатаев, 1986 жылы туған, ұлты қазақ, білімі жоғары және жоғарыдан кейінгі. 2008 жылы С. Сейфуллин атындағы Қазақ мемлекеттік университетін «Электр энергетикасы» мамандығы бойынша бітірген, біліктілігі – техника ғылымдарының бакалавры. 2010 жылы С. Сейфуллин атындағы Қазақ агротехникалық университетін «Электр энергетикасы» мамандығы бойынша бітірген, біліктілігі – техника ғылымдарының магистрі. 2011 жылы Қазақ экономика, қаржы және халықаралық сауда университетін «Есеп және аудит» мамандығы бойынша бітірген, біліктілігі – экономика және бизнес бакалавры.

Еңбек жолын 2010 жылғы тамыздан бастап 2011 жылғы маусым аралығында Ақмола ауданаралық электржүйелер «Ақмола ЭҮК» АҚ филиалы өндірістік техникалық қызметінің инженері болып бастаған. 2011 жылғы маусымнан бастап 2013 жылғы маусым аралығында аталған мекемінің өндірістік техникалық қызметінің бастығы, бөлу желісінің бастығы лауазымдарында қызмет атқарған.

2013 жылғы маусымнан бастап қазіргі күнге дейін Қазақстан Республикасы Президенті Іс басқармасы жүйесінде қызмет атқарып келеді:

2013 жылғы маусымнан бастап 2014 жылғы қараша аралығында – ҚР ПІБ «Инженерлік-техникалық орталығы» АҚ ақпараттық қауіпсіздік және қолжетімділікті басқару және бақылау жүйелері басқармасының инженер-бағдарламашысы;

2014 жылғы қарашадан бастап 2015 жылғы тамыз аралығында – ҚР ПІБ «Инженерлік-техникалық орталығы» АҚ әлсіз тоқты жүйелерге қызмет көрсету басқармасының 1-санатты маманы;

2015 жылғы тамыздан бастап 2016 жылғы наурыз айы аралығында – ҚР ПІБ «Инженерлік-техникалық орталығы» АҚ әлсіз тоқты жүйелерге қызмет көрсету басқармасы аға маманы;

2016 жылғы наурыздан бастап 2017 жылғы маусым аралығында – ҚР ПІБ «Инженерлік-техникалық орталығы» АҚ әлсіз тоқты жүйелерге қызмет көрсету басқармасының жетекші маманы;

2017 жылғы шілдеден бастап 2022 жылғы желтоқсан айы аралығында – «ҚР ПІБ Инженерлік-техникалық орталығы» ШЖҚ РМК әлсіз тоқты жүйелерге қызмет көрсету басқармасының бас маманы;

2022 жылғы желтоқсаннан бастап 2025 жылғы қараша айы аралығында – әлсіз тоқты жүйелерге қызмет көрсету басқармасының басшысы.

2025 жылғы 24 қарашадан бастап «Қазақстан Республикасы Президентінің Әкімшілігі мен Үкіметінің әкімшілік ғимараттары дирекциясы» шаруашылық жүргізу құқығындағы республикалық мемлекеттік кәсіпорны директорының орынбасары лауазымына тағайындалды.