Қазақстан Республикасы Президенті Қасым-Жомарт Тоқаев Қазақстан халқына арналған жолдауында 2025 жылды «Жұмысшы мамандықтары жылы» деп жариялаған болатын. Осы орайда, «ҚР ПІБ «Қазақстан Республикасы Президентінің Әкімшілігі мен Үкіметінің әкімшілік ғимараттары дирекциясы» РМК-да ұзақ жылдар бойы жемісті жұмыс істеп келе жатқан жұмыскерлер туралы ақпарат ұсынылатын болады. Гулжазира Уралбаевна Казанкапова осы жұмыскерлердің бірі болып табылады, ол 1997 жылдың 13 қарашасынан бастап «Үкімет Үйі» шаруашылық қызметінде үй-жайларды тазалаушысы болып жұмыс істейді.
Г. Казанкапова жұмыста жауапты, берілген тапсырмаларды адал, дер кезінде орындайды. әріптестермен жақсы қарым-қатынаста, ашық мінезді және тез тіл табыса алады. Еңбек жолында адал еңбегі үшін бірнеше рет марапатталды, оның ішінде Дирекцияның Құрмет грамотасымен, Алғыс хатымен, «Қазақстан Республикасының Тәуелсіздігіне 25 жыл» мерейтойлық медалімен марапатталды. Қазақстан Республикасы Президентінің 2024 жылғы 16 қазандағы № 675 жарлығымен «Ерен еңбегі үшін» медаліне ие болды.
- Мен жұмысымды жақсы көремін, өзімді еліміздің ең мықты Кәсіпорындарының бірінде жұмыс істеймін деп нық айта аламын. Кей кездері жұмыста ауыртпашылықтар болады, ол рас. Алайда, ұжымымыздың татулығының арқасында сол ауыртпашылықтан жеңіл өтеміз, - дейді ол.
Біздің кейіпкеріміз жалғыз басты ана, баласын өсіріп-жеткізіп, қазіргі таңда анасына қамқор болып отырған жан.
