Кез-келген мемлекетте тұрғын үй мәселесі негізгі мәселелердің бірі болып табылады, өйткені азаматтардың әлеуметтік әл-ауқаты толығымен тұрғын үймен қамтамасыз етілуіне байланысты. Қазақстан Республикасы тұрғын үйді дамытудың бірыңғай моделін әзірлеуде, оның ішінде негізгі қағидат тұрғын үйдің, әсіресе халықтың әлеуметтік осал топтары үшін қолжетімділігін арттыру болып табылады. Бұл үшін біздің елімізде тұрғын үй ипотекасының қолжетімділігін арттыруға ықпал ететін жаңа тұрғын үй бағдарламалары енгізілуде.
2025 жылғы 21 ақпанда Кәсіпорынның тұрғын үй комиссиясы жұмыскерлер үшін "Отбасы банк" АҚ өкілдерін мемлекеттік бағдарламалар мен депозиттер бойынша презентация өткізуге арнайы шақырды.
Аталған іс-шараның міндеті кезекте тұрған жұмыскерлерге тұрғын үй мәселелерін шешуге, қолжетімді шарттармен тұрғын үй сатып алуға бағытталған. Сондай-ақ, банк өкілдері шоттар ашу, алдын ала есеп айырысу және депозиттер ашу қызметтерін ұсынды.
