«Қазақстан Республикасы Президенті Іс басқармасының «Қазақстан Республикасы Президентінің Әкімшілігі мен Үкіметінің әкімшілік ғимараттары дирекциясы» РМК-да және «Жұмысшы кәсіптер жылы» шеңберінде жұмыскерлердің жетістіктерін жариялау тақырыбын жалғастыра отырып, біздің жұмыскеріміз - Мадина Сайпырхановна Райханова туралы айтқымыз келеді. Кәсіпорында 2008 жылғы 18 ақпаннан бастап «Министрліктер Үйі» № 4 корпусының шаруашылық қызметінің үй-жайларды тазалаушысы болып жұмыс істейді. Үй-жайлардың бригадирі болып еңбек етеді.
Жұмыс барысында өзін адал, жауапкершілігі мол жұмыскер ретінде көрсете білді. Ұйымдастырушылық қабілеті мол, бригадир ретінде ұжымның жұмысын үйлесімді жүргізе алады. 4 баланы тәрбиелеп өсірді.
Көп жылғы мінсіз еңбегі үшін және Қазақстан Республикасы күніне орай Қазақстан Республикасы Президентінің Құрмет грамотасымен марапатталды. Сонымен қатар Кәсіпорын атынан да бірнеше рет Құрмет грамоталарымен марапатталды.
- «Мен өз жұмысымды жақсы көремін. Кәсіпорында 18 жыл жұмыс істеймін. Біздің 4 корпус «Министрліктер Үйі» ғимаратының ең үлкен корпустарының бірі. Біз күнделікті еңбегімізбен ғимараттың тазалығын сақтаймыз. Менің жұмысымды бағалап, мемлекеттік марапатқа ұсынғаны үшін біздің басшылығымызға өз алғысымды білдіремін».
