Балаларды қорғау күніне орай «ҚР Президенті Іс басқармасының «Қазақстан Республикасы Президенті мен Үкіметінің Әкімшілігінің әкімшілік ғимараттарының дирекциясы» РМК-да ерекше қажеттіліктері бар балаларды тәрбиелеп отырған қызметкерлердің отбасыларына қолдау көрсетілді.
Бұл бастама – ұжым мен басшылықтың ерекше қамқорлық пен назарға мұқтаж жандарға жан жылуын сыйлауға деген шынайы ниетінің көрінісі.
Биыл 67 отбасыға «METRO» супермаркеттерінен тауар сатып алуға арналған сыйлық сертификаттары табысталды, жалпы 73 сертификат беріліп, олардың жалпы сомасы шамамен 2 миллион теңгені құрады.
Мұндай қолдау – тек тұрмыстық көмек емес, сондай-ақ өз балаларын сүйіспеншілікпен және жанкештілікпен тәрбиелеп отырған ата-аналарға деген құрмет белгісі. Бұл – олардың жанында бірге қуанып, бірге уайымдайтын жандардың бар екенін көрсету жолы.
Әрбір бала өзіне көңіл бөлінетінін сезінуі маңызды. Осындай қарапайым да жылы жүректі әрекеттер мерекені шынайы мәнді етеді.
