2025 жылғы 14 маусымда Астана қаласында Қазақстан Республикасы Президенті Іс басқармасы жүйесіне кіретін ведомстволық ұйымдар арасында жүзуден турнир өтті. Жарыс Athletic Center спорт кешеніндегі iSwim жүзу мектебінің бассейнінде дәстүрлі спартакиада аясында ұйымдастырылды.
Жарысқа сегіз команда қатысты. Президент Әкімшілігі мен Үкіметінің Әкімшілік ғимараттар дирекциясы командасы сенімді өнер көрсетіп, жалпыкомандалық есепте құрметті үшінші орынды иеленді.
Команда құрамында болғандар:
Бәшім Дәулен Булатұлы
Жұмабай Санжар Талғатұлы
Қанатбай Аслан Тілешұлы
Тәуекел Елжас Мирамбекұлы
Молдағұлов Алмат Жабаевич
Рысбаев Нұрсұлтан Әділбекұлы
Шинтаев Малик Сенбекович
Сакипкалиева Рашида Иманғалиқызы
Рашида Сакипкалиева «Үздік жігер иесі» арнайы номинациясымен марапатталып, қазылар алқасының ерекше алғысына ие болды. Ол жоғары рух пен командаға деген адалдығын көрсетті.
Жарыс бағдарламасы 50 метр қашықтықтағы жеке жүзу түрлерін және міндетті түрде әйелдердің қатысуымен 4×50 метрлік командалық эстафетаны қамтыды.
Іс басқармасының спартакиадасы жыл соңына дейін жалғасады. Бұған дейін мини-футбол, шахмат, тоғызқұмалақ және үстел теннисі бойынша жарыстар өтті. Алда ұлттық күрес және басқа да спорт түрлерінен сайыстар күтілуде.
Әкімшілік ғимараттар дирекциясы командасын лайықты жеңісімен құттықтаймыз! Алдағы жарыстарда сәттілік пен жаңа жеңістер тілейміз!
