2025 жылғы 4 шілдеде Астана күніне орай “Министрліктер Үйі” №4 корпусының Б-123 мәжіліс залында “Астана қаласының тарихы: өткені мен бүгінгісі” тақырыбында тарихи-танымдық дәріс өтті.
Дәрісті Ш. Уәлиханов атындағы Тарих және этнология институтының Астана қаласындағы филиалының директоры, тарих ғылымдарының кандидаты Құралай Қуандыққызы Сәрсембина жүргізді.
Іс-шараға Қызмет және бөлім басшылары, әкімшілік-басқару персоналы, сондай-ақ “Министрліктер Үйі” 3 және 4 корпустарының шаруашылық қызметі мен жабдықтарды пайдалану қызметтерінің жұмыскерлері қатысты.
Құралай Қуандыққызы дәріс барысында елорданың қалыптасу кезеңдеріне, әкімшілік мәртебеге ие болғаннан кейінгі қарқынды дамуына, сондай-ақ қала инфрақұрылымы мен мәдени келбетінің өзгеруіне тоқталды. Сондай-ақ, жалпыұлттық маңызы бар тарихи оқиғалар мен тәуелсіздік жылдарындағы өзгерістер де кеңінен қамтылды.
Дәріс мазмұнды әрі қызықты өтті.
Астана күні — бұл әрбір қазақстандықтың ел дамуына қосқан үлесіне мақтанатын, болашаққа сеніммен қарайтын маңызды мереке.
