«Министрліктер Үйі» №1 корпусының шаруашылық қызметінің үй-жайларды тазалаушысы — Ханафина Алтынжан Қалмұханқызы туралы хикая
Жұмысшы мамандықтар жылында біз күн сайынғы еңбегі көзге көрінбесе де, ешбір жұмыс күні онсыз өтпейтін жандар жайлы әңгімемізді жалғастырамыз. Бүгінгі кейіпкеріміз — «Министрліктер үйі» №1 корпусының шаруашылық қызметінде қызметтік үй-жайларды жинаушы болып еңбек ететін Ханафина Алтынжан Қалмұханқызы.
Алтынжан Қалмұханқызы — Ақмола облысындағы Алғабас кеңшарының тумасы. Екі ұлдың анасы, олар үшін әрқашан еңбекқорлықтың, сабыр мен мейірімділіктің үлгісі болып келеді. 2015 жылдан бері шаруашылық қызметінің ұжымында еңбек етіп келе жатқан Алтынжан Қалмұханқызы осы уақыт аралығында өзін жауапты, қарапайым әрі адал қызметкер ретінде танытты.
Оның жұмыс күні әріптестері жұмысқа келмей тұрып басталады — кабинеттер мен дәліздерге тәртіп орнатып, бәріміз үйреніп қалған тазалық пен жайлылық атмосферасын қалыптастырады. Бұл жұмыс шыдамдылықты, мұқияттылықты, сондай-ақ жүректен шығатын жылулықты қажет етеді. Алтынжан Қалмұханқызы ешқашан шағым айтпайды, әрдайым сыпайы, күлімдеген, адамдарға қамқорлықпен қарайды. Әріптестері оны еңбекқорлығы, ұқыптылығы және адалдығы үшін жоғары бағалайды.
— Қандай жұмыс болса да, оны шын көңілмен істеу керек деп санаймын, — дейді ол. — Адамдардың таза әрі жарық бөлмеде жайлы отырғанын көрген кезде, еңбегіңнің текке кетпегенін түсінесің.
Мұндай жандар — кез келген ұжымның тірегі. Алтынжан Қалмұханқызы ешқашан марапат немесе қошемет күтпейді, бірақ оның еңбегі әрбір адамға айқын көрініп тұрады. Ол күн сайын өз үлгісімен кез келген жұмысты абыроймен, жауапкершілікпен және сүйіспеншілікпен атқаруға болатынын дәлелдейді.
Онымен жұмыс барысында да, күнделікті өмірде де жолыққан әр адам Алтынжан Қалмұханқызына адалдығы, ашық-жарқын мінезі және ортақ іске қосқан елеулі үлесі үшін шын жүректен алғысын білдіреді.
