8 наурыз – Халықаралық әйелдер күні қарсаңында "ҚР ПІБ "ҚР Президентінің Әкімшілігі мен Үкіметінің әкімшілік ғимараттары дирекциясы" ШЖҚ РМК жұмыскерлері үшін Қазақстан Республикасы Президенттік орталығына экскурсия ұйымдастырылды.
Экскурсия барысында Дирекцияның 15 жұмыскері орталықтың экспозицияларымен танысып, тәуелсіз Қазақстанның қалыптасу тарихы, сондай-ақ мемлекеттік институттардың қызметі туралы кеңірек мәлімет алды.
Іс-шара соңында қатысушыларға ауызашар ұйымдастырылды. Кездесудің бастамашысы "ҚР ПІБ "ҚР Президентінің Әкімшілігі мен Үкіметінің әкімшілік ғимараттары дирекциясы" ШЖҚ РМК директоры Талгат Ускенович Муслимов болды.
Кездесу жылы әрі достық атмосферада өтіп, көктемгі мереке қарсаңында жұмыскерлерге көрсетілген құрмет пен алғыстың белгісіндей болды.
